Öfugsnúið og svifaseint DV

Dv.is birtir í dag frétt um öfugsnúna stöðu Gulla og Illuga í Reykjavík:

"Kastað hefur verið upp á hvernig Guðlaugur Þór Þórðarson og Illugi Gunnarsson skipta á milli sín Reykjavíkurkjördæmum fyrir Sjálfstæðisflokkinn. Þar lenti suðurkjördæmið í hlut Illuga en Guðlaugur Þór fer í norður.

Guðlaugur er hins vegar hnútum kunnugastur í suðurkjördæminu, þar sat hann lengi í stjórn Fylkis og á sterkt bakland meðal íbúa í Árbæ og Grafarvogi. Því er heldur öfugsnúið að Guðlaugur þurfi að horfa upp á eigin stuðningsmenn lýsa yfir stuðningi við helsta keppinaut hans í prófkjörinu ef þeir ætla að tryggja flokknum framgöngu í komandi kosningum."

Mér sýnist DV aðallega vera öfugsnúið þar sem Illugi vermir 1.sætið í Rvk.Norður og Gulli 1.sætið í Rvk.Suður. Fyrir utan þennan viðsnúning dv, þá voru framboðslistarnir í Reykjavík samþykktir 24.mars sem var s.s. fyrir meira en tveimur vikum síðan, því afar furðulegt að birta þessa frétt, já eða "sandkorn" eins og þeir kalla það. Ég held ég hafi bara sjaldan séð jafn lélega tilraun til að reyna að búa til ósætti milli tveggja manna.

Væri ekki frekar ráð að pumpa þá sem stjórna landinu og vilja endilega halda því áfram að eftir kosningar, hvað þeir ætli að gera í ESB málum. SJS og JS eru á öndverðri skoðun í þessu stóra máli og samt segja þau samstarfið ganga "ljómandi vel". Skil ekki hvers vegna fjölmiðlar þjarma ekki meira að þeim Steingrími og Jóhönnu með þetta.


Auglýsingar Framsóknarflokksins......

Ég verð að játa að ég skil ekki alveg auglýsingaherferð xB á netmiðlunum. Þeir eru nú með nýtt B eins og venjulega í hverri kosningabaráttu, svaka sætt hjarta í þetta skiptið,  en það sem ég er ekki alveg að tengja er hvers vegna andlitið á Sigmundi er á öllum auglýsingunum, er verið að reyna að púlla "endurnýjunartrompið"?

Ég "klikkaði" annars á eina af auglýsingunum áðan, betra fyrir þá ef heimasíðan myndi samt virka. Ég fékk einungis fullt af viðvörunartexta....

 framsokn.is minni

alltaf sá sami og frekar skondnum viðvörunartexti meira að segja:

"Warning .... supplied argument is not valid stream resource in........"

 


mbl.is Fjölskyldan með tilsjónarmann
Tilkynna um óviðeigandi tengingu við frétt

Vanhæf ríkisstjórn, vanhæf ríkisstjórn!

Af hverju er Austurvöllur ekki þéttsetinn þessa dagana? Þakinn fólki berjandi í potta og pönnur sem krefst þess að umboðslaus ríkisstjórn hætti störfum nú þegar!

Jú, því ríkisstjórn „aðgerðanna“ var svo hugulsöm að bjarga okkur úr klóm Sjálfstæðisflokksins og nýta þennan mikilvæga tíma fram að kosningum í að bjarga heimilunum, eða hvað? Hin svokallaða aðgerðarstjórn er algjörlega búin að sýna það að í orði sem borði að verkstjórinn sem þeim fannst svo innilega vanta í brúnna hefur greinilega ekki hundsvit á hvaða aðgerðir heimilin þarfnast og hvað þá að hafa nokkuð haldbært vit á verkstjórn yfir höfuð.

Kosningabarátta stjórnarflokkanna er hafin á þingi. Kosningabarátta sem snýst um að setja á dagskrá hvert gæluverkefnið á fætur öðru og núna stórt mál sem snýr að breytingum á stjórnarskrá okkar Íslendinga. Hluti frumvarpsins, stjórnlagaþingið, var skýr krafa Framsóknarflokksins og sett fram sem skilyrði fyrir stuðningi við minnihlutastjórnina. Framsókn er þannig haldið góðum eins lengi og mögulegt er á meðan fylgi þeirra sígur niður með snöru ríkisstjórnarinnar. Fjölmargir fræðimenn og sérfræðingar hafa bent á galla frumvarpsins, en Samfylkingunni og Vinstri grænum finnst það alls ekkert tiltökumál, enda er þetta bráðnauðsynlegt fyrir heimilin og fyrirtækin í landinu.

Hæstvirtur forsætisráðherra, Jóhanna Sigurðardóttir, hefur greinilega einskæran áhuga á að verða fyrsti forsætisráðherrann í rúm 50 ár til að standa fyrir breytingum á stjórnarskránni án samstöðu á þinginu. Hún hefði betur skellt sér á NATO fundinn en vegna „anna“ hér heima fyrir sá Jóhanna sér ekki fært að mæta. Svo mikið er hæstvirtum forsætisráðherra mál að koma þessu í gegn að hún sést varla í þingsalnum til að hlusta á umræður og svara spurningum um sitt eigið frumvarp. Allt þetta er frekar kómískt í ljósi þess hversu duglegir fjölmiðlar voru að hampa vinsældum Jóhönnu á erlendri grundu þegar hún var skipuð verkstjóri en á móti kemur þá fékk Össur sitt kodak-móment með Obama.

Þrjóska og þrautseigja Sjálfstæðismanna er eðlileg og ánægjuleg. Í dag lögðu þingmenn Sjálfstæðisflokksins fram heiðarlega tillögu um breytingu á uppröðun málum þingsins svo hægt væri að taka fyrir þau mál sem lúta að hag heimilanna. Breyting stjórnarskráarinnar og stjórnlagaþing slökkva ekki elda dagsins í dag og er því fullkomlega eðlilegt að svona viðamikið frumvarp bíði nýrrar ríkisstjórnar með nýtt umboð frá þjóðinni.

Hvar er búsáhaldabyltingin núna? Úps, henni var greinilega sama um umboðið, heimilin og allt sem hún barðist fyrir. Hennar markmið var greinilega að koma Sjálfstæðisflokknum frá og leyfa aldurforsetum þingsins að snúast um skottin á sjálfum sér í nokkra daga í viðbót. Nokkrum mótmælaskiltanna hefur meira að segja verið stillt fallega upp til sýnis í gluggum húsnæðis vinstri grænna í miðbænum. Tilviljun?

Hvernig væri að núverandi ríkisstjórn myndi einbeita sér að bráðnauðsynlegum málum sem snúa að fólkinu í landinu? Annars kostar tel ég skyldu þeirra að slíta þingi hið snarasta og heyja sína kosningabaráttu annars staðar en í þingsölum Alþingis.

Það er löngu kominn tími á Afsakið hlé á Alþingi fram til 25.apríl!

Pistill birtist á Deiglunni, 7.apríl 2009


mbl.is Enn rætt um fundarstjórn forseta
Tilkynna um óviðeigandi tengingu við frétt

Plásturinn af strax !

Með núgildandi gjaldeyrishöftum er nánast búið að drepa krónuna. Fjárútlát Seðlabankans við að halda uppi fölsku gengi á krónunni er engan veginn ásættanlegt. Engin lausn er gallalaus en ég tel þó að einhvern tímann munum við þurfa að taka skellinn. Það er alltaf betra að rífa plásturinn hratt af heldur en að reyna að kroppa hann af í litlum skrefum.

Hvað sem við gerum þá verður þetta aldrei sársaukalaust - er ekki betra að ljúka því af, taka harðan skell og geta fyrr hafið uppbyggingu ?


mbl.is SUS: Vilja Bandaríkjadal á Íslandi
Tilkynna um óviðeigandi tengingu við frétt

Stjórnarskráin meira aðkallandi en heimilin????

Af hverju þarf að keyra þetta frumvarp í gegn núna - viljum við ekki að mál sem snúa að stjórnarskránni séu vandlega yfirfarin og gert í samráði við sem flesta?

Vil bara í þessu samhengi benda á grein á xd.is þar sem tekin eru saman álit ýmissa sérfræðinga, fræðimanna og hagsmunasamtaka. Eins og stendur í greininni hafa nánast allir þeir sem lagt hafa fram umsagnir gagnrýni á meðferð málsins, færa fram efnislegar athugasemdir og eru með gagnrýni á málsmeðferðina og þann stutta tíma sem á að keyra þetta í gegn á.

Sigurður Kári kemst vel að orði í fréttinni, svo ég leyfi mér að quote-a beint í fréttina: ,,Sigurður Kári Kristjánsson, þingmaður Sjálfstæðisflokksins, sagði eðlilegt að ræða um breytingar. Gallinn er sá, að þetta stjórnarskrármál leysir engan vanda heimila eða fyrirtækja.  Væri ekki vænlegra að ræða atvinnumál ungs fólks í landinu? spurði Sigurður Kári.  Sjálfstæðismenn muni ekki umgangast stjórnarskrána á handahlaupum. "

 GREIN Á XD.IS ÞAR SEM TEKIÐ ER ORÐRÉTT ÚR UMSÖGNUM


mbl.is Vilja vísa stjórnarskrármáli frá
Tilkynna um óviðeigandi tengingu við frétt

Flottur listi xD

Ég er nokkuð sátt með listana okkar báða, suður og norður, sérstaklega norður þar sem undirrituð er þar í 14.sæti - nú er bara málið að ná inn sjö þingmönnum í norður - hehe ;) Annars flott fólk úr öllum áttum. Nú er sléttur mánuður í kosningar, ég hlakka til þegar baráttan fer á fullt skrið, hef fulla trú á að landsfundurinn verði góður núna um helgina, verði gert upp við fortíðina og svo komum við út af fundinum sterk og samheldin.

Sóley Tómasdóttir er eitthvað ósátt við að Sjálfstæðisflokkurinn "taki þennan leik" að tilgreina að það sé jafnt kynjahlutfall í tíu efstu sætunum. Reyndar telur Sóley ekki ástæðu til að nefna að það er líka tekið fram að það sé jafn hlutfall á öllum listanum og einnig það að frambjóðendur hafi ólíka reynslu á menntun ásamt því að vera á öllum aldri frá tvítugu til áttræðs. Sóley ætti að vita betur að Sjálfstæðisflokkurinn hefur ekki lagt upp úr því að vera með kynjakvóta, fléttulista eða álíka vitleysu.  Heldur treystir flokkurinn því góða fólki, körlum og konum, sem eru í flokknum til að bjóða sig fram og sýna krafta sína. Í Suðurkjördæmi er nú alls ekki skortur af kvenfólki í efstu sætum og einnig má benda á að þegar efstu 12 sætunum í Reykjavík,  þ.e. eins og kjósendur prófkjörs ákváðu var skipt á milli Suður og Norður (sléttar - odda) má sjá að í Norður eru 4karlar vs. 2konur og í Suður eru 2karlar vs. 4.konur. Þessi tvö dæmi finnst mér sýna augljóslega það sem ég hef alltaf vitað, konur eru meira og meira að taka þátt í áhrifastörfum, hvort sem er pólítík eða stjórnunarstöður í fyrirtækjum. Við þurfum enga kvótavitleysu ;)

 


mbl.is D-listar í Reykjavík birtir
Tilkynna um óviðeigandi tengingu við frétt

ömmi góði......

Einhvern veginn þarf hann að sýnast "the good guy".....

 verst að ráðherralaunin hans duga engan veginn upp í allan þann sparnað sem Gulli var búinn að plana og koma af stað í heilbrigðiskerfinu.


mbl.is Ögmundur fær ekki ráðherralaun
Tilkynna um óviðeigandi tengingu við frétt

Ragnheiði Elínu í 1.sæti og Unni Brá í 2.sæti

Ég get ekki annað sagt en að ég sé mjög ánægð með þessa ákvörðun Árna Matt. Væri ennþá betra ef nafni hans myndi taka sér hann til fyrirmyndar.

Annars eru tveir mjög frambærilegir kandítar í efstu sætin og ef ég væri í S-Kjördæmi myndi ég hiklaust kjósa Ragnheiði Elínu í 1.sætið og Unni Brá í 2.sætið. Hvet ég ykkur því endilega til að kíkja á síðurnar þeirra.

Ragnheiður Elín - Stuðningssíða á Facebook

Unnur Brá - Heimasíða


mbl.is Árni Mathiesen ekki í framboð
Tilkynna um óviðeigandi tengingu við frétt

Burt með hrokann!

Hvað þarf Sjálfstæðisflokkurinn að gera svo þessir 80 dagar verði ekki að fjórum árum? Er flokkurinn tilbúinn til að líta í eigin barm, sýna smá auðmýkt og umfram allt tilbúinn í endurnýjun?

Í fyrsta skipti í tæp 18 ár er Sjálfstæðisflokkurinn ekki í ríkisstjórn og það er greinilega mjög mismunandi hvernig okkar ástkæru þingmenn eru að höndla sín nýju sæti. Málefnaleg stjórnarandstaða er það sem þingmenn flokksins eiga að standa fyrir, standa vörð um stefnu og hugsjónir en ekki missa sig í skítkasti á allt það sem biðstjórnin lætur út úr sér. Sumum farnast þetta hlutverk mjög vel með sanngjarnri gagnrýni og réttmætum spurningum á meðan einstaka virðast hafa hlustað aðeins of mikið á SJS í gegnum tíðina, sem hefur þó misst allt púður við að komast í ríkisstjórn, vera á móti bara til að vera á móti í stað þess að gagnrýna málefnalega og fagna góðum málum.

Við vorum ein ríkasta þjóð í heimi, áttum allt og gátum gert allt sem við vildum. Nú er staðan aftur á móti allt önnur, efnahagur landsins hrundi og Sjálfstæðisflokkurinn á ekki að taka þátt í litlu gulu hænu leiknum og benda eitthvað annað. Sjálfstæðisflokkurinn hefur gert margt gott undanfarin ár en einnig þarf flokkurinn að líta í eigin barm og sætta sig við og viðurkenna að ýmislegt hefði mátt gera öðruvísi og betur, sem og allir hinir. Sjálfstæðisflokkurinn færði okkur t.a.m. aukið frelsi og frelsi fylgja mörg tækifæri, en frelsi fylgir einnig ábyrgð. Sú ábyrgð var ekki skýr og þess vegna hefur ábyrgðin að margra mati fallið á flokkinn. Hrunið verður þó ekki gert upp að fullu fyrir kosningar í vor, of margt er enn á huldu og á eftir að koma fram í dagsljósið. Því er fráleitt að pólitískar aðfarir að mispólitískum einstaklingum sé lausnin en að sama skapi hvað varð um það að líta í eigin barm, hugsa um hagsmuni heildarinnar og stíga til hliðar?

Að mörgu er að hyggja og Sjálfstæðisflokkurinn þarf að líta á þessa 80 daga sem tækifæri, tækifæri til að sýna fólki að hann sé tilbúinn í breytingar, tilbúinn til að sýna auðmýkt, stokka upp og leiða þjóðina í gegnum kreppuna og upp úr henni. Ef flokkurinn er ekki tilbúinn í naflaskoðun, þá mun þjóðin sjá til þess að sjálfstæðismenn verði í stjórnarandstöðu í 4 ár hið minnsta.

Ég fagna því að prófkjör verði haldin í öllum kjördæmum og því unga efnilega hugsjónafólki sem býður sig fram. Alþingi á ekki að líta á sem endastöð heldur stað til að koma sínum hugsjónum á framfæri þjóðinni í hag og trúi ég því að þjóðinni sé best borgið með Sjálfstæðisflokkinn við stjórnartaumana.

En þá er komið að spurningunni sem margir velta fyrir sér. Er Sjálfstæðisflokkurinn tilbúinn í uppgjör og endurnýjun? Eru tímar uppreisnar-æruþingmanna og dýraráðherra liðnir? Ég vona það! Ég vil ekki sitja uppi með flugfreyju í TF-TAX lengur en umhverfis alþingi á 80 dögum.

 Deiglan.com, 11.febrúar 2009


CIGARETTES AND TAMPONS

Fyrst maður er svona hræðilega latur við að blogga... þá ákvað ég að henda inn einum snilldarbrandara: 

A man walks into a pharmacy and wanders up & down the aisles.
The sales girl notices him and asks him if she can help him.
He answers that he is looking for a box of tampons for his wife.
She directs him down the correct aisle.
A few minutes later, he deposits a huge bag of cotton balls and a ball of string on the counter.
She says, confused, "Sir, I thought you were looking for some tampons for your wife?
He answers, "You see, it's like this, yesterday, I sent my wife to the store
to get me a carton of cigarettes, and she came back with a tin of tobacco
and some rolling papers; cause it's sooo-ooo--oo-ooo much cheaper.
So, I figure if I have to roll my own .......... so does she.


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband