rosalega hlakka ég til......

að keyra heim úr vinnunni á eftir.... micran hefur nú þann einn af fáum kostum að vera nokkuð straumlínulöguð og hleypir rokinu svona þokkalega fram hjá sér..... eeeen á móti er hún svo hryllilega létt.... spurning um að skella einni einingu ofan á kaggann og keyra með í bæinn... 

 

 

Varað við stormi á suðvesturhluta landsins

þetta væri ég til í að kunna....

baaaara geggjað

candid camera....

já japanir eru skrítnir og skemmtilegir.... þetta er bara eitt það fyndasta sem ég hef séð lengi:

 

 

síðasti dagurinn

já, í dag er síðasti formlegi dagurinn minn í stjórn Heimdallar en á þriðjudaginn var einmitt síðasti stjórnarfundurinn. þetta er búið að vera algjör snilld síðustu tvö ár, kynnst fullt af frábæru fólki og starfinu í flokknum. maður mætir nú alveg pottþétt í einhverjar nefndir og svona i vetur og svo bara sus-stemmningin..... 

finnst samt skemmtilegri fréttin sem birt var á vísi: SJÁ HÉR
sniðugt að skella inn mynd af manni, og svo ekki einu orði minnst á mann.. hahaha

Heimdellingar kjósa nýja stjórn í dag

karlremba/kvenremba

Jahá, ekki get ég sagt að mér finnist karlremba, sú hefð að faðir leiði dóttur sína upp að altarinu. Aftur á móti finnst mér bera vott um mikla biturð og kvenrembu hjá þessum blessaða presti í Stokkhólmi.

Verð ég að játa, að þó ég sé nú ekki með þessar týpískar hugmyndir um brúðkaup,  hef ég velt þessu nokkuð fyrir mér, af þeirri einni ástæðu að faðir minn er ekki lengur meðal vor.

Í þau skipti sem ég hef farið í brúðkaup eða hugsað til þess hvernig mín gifting muni vera, leitar hugur minn alltaf til þess að faðir minn getur ekki "leitt mig upp að altarinu". Set þó í sviga að "leiða mig upp að altarinu" þar sem ég er nú ekki pottþétt á því að ég muni staðfesta mína ást í kirkju, til þess þarf maður væntanlega að trúa á guð. Þrátt fyrir það finnst mér þetta mjög falleg hefð, sú hefð að faðirinn gefi litlu stúlkuna sína frá sér. Yfirleitt eru mæður og dætur nú mun nánari og þetta er kannski eitt af stærstu "mómentum" sem faðir og dóttir eiga saman. Sjálf var ég mikil pabbastelpa þegar ég var lítil, hugsa ég oft til pabba og get alltaf leitað til hans í huganum þegar mér líður illa, vel eða þarf auka styrk. Já, þetta var mín skoðun, svona eins og hún kemur, beint frá hjartanu, og kannski hugsaði ég öðruvísi um mitt brúðkaup ef pabbi væri enn hér....

Kalt mat, aldrei ætti að banna einum né neinum að velja sér hvaða aðila sem þeir vilja til að leiða sig að þeirra framtíðarmaka, jah nú, eða engan ef það er þeirra val

 

Karlremba að feður fylgi dætrum að altarinu?

Snilld....

Rosalega er gott að vera laus við risarækjukónginn og línu.net manninn úr sjúkrahúsmálinu mikla. Gulli byrjar fantavel í heilbrigðisráðuneytinu og strax byrjaður að sýna að hann er ekki hræddur við að breyta aðeins og stokka upp. Vona ég bara að hætt verði við bygginu hátæknisjúkrahús. Finnst peningarnir betur nýttir í að bæta kerfi og aðstöðu sem til er í dag.

Stjórnin tekin af Alfreð Þorsteinssyni

heyr heyr!

Þarna er kallinn kominn á rétta braut og er þetta algjörlega skref í rétta átt. Loka öllu klukkan tvö í miðbænum, svo ef fólk ætlar að tjútta lengur getur það bara skellt sér á players, áslák, kringlukránna, nú eða bara í heimahúsin.

Auðvitað væri langbest að setja bara útivistarbann eftir kl. 1 á næturnar í hverfi 101.

 

 

 

ps. höfundur vill árétta að þessar fullyrðingar eru bullandi kaldhæðni. 

Afgreiðslutími verði tekinn til umræðu

Frábært þing

Já, þá er maður komin heim í hlýjuna eftir kalda en frábæra helgi á Seyðisfirði þingið gekk rosalega vel. Margar góðar ályktanir samþykktar og auðvitað skemmt sér vel í góðra vina hópi. Það er ekki laust við að maður sé smá lúin eftir helgina.

Ég átti nú að fara austur á fimmtudaginn og ætlaði að vera hjá henni Viktoríu á Reyðarfirði. Það var því miður ófært og fórum við því, ég, nafna mín og Jói Run með fluginu 10:30 á föstudaginn. Hitti ég Viktoríu á vellinum á Egilsstöðum og var hún svo yndisleg að lána mér bílinn sinn yfir helgina. Við tókum smá rúnt um austfirðina á föstudaginn. Kíktum á Reyðarfjörð sem ég verð nú að játa að mér finnst nú ekkert sérstaklega fallegur bær (sorry Viktoría mín), ekkert nema gámar, gámahús, blokkir og kanadahús. Keyrðum síðan yfir á Fáskrúðsfjörð, það finnst mér mjög fallegt bæjarfélag. Öllu rosalega vel haldið við, fullt af sætum litlum húsum með fallegum görðum, bara krúttlegt. Þá lá leiðin aftur til baka yfir á Egilsstaði og þaðan yfir á Seyðisfjörð. Erla heppna var auðvitað að taka fram úr í Fagradalnum og nær þá löggan akkurat að mæla mig , frekar mikið súrt. Auðvitað reyndi ég nú að rökræða við blessuðu lögguna en það gekk lítið því eins og maðurinn sagði "Það er búið að taka allan mannlegan þátt úr þessu", s.s. ég mældist á 111, allt tekið upp á disk og bíð ég núna spennt eftir sektinni sem kemur inn um lúguna. Þýddi nú lítið að láta þetta skemma helgina, fengum okkur búlluborgara á Egilsstöðum og lulluðum á Seyðisfjörð. Rosalega fallegur bær, og aðkoman að honum er sérstaklega flott. Rosalega spes að koma héðan úr borginni í snjókomu fyrir austan, eins og að fara þrjá mánuði fram í tímann. Mjög súrealískt en rosalega flott. 

Setning þingsins var á föstudeginum og um kveldið var móttaka hjá Rarik. Var síðan skellt sér á Herðubreiðina sem við vorum mest alla helgina. Kíkt í kareoki á kaffi Láru og svo "heim" í háttinn. Ég, nafna og Fanney vorum á voðalega krúttlegu gistiheimili, var það þó frekar útúr og því kom bíllinn sér roooosalega vel. Laugardagurinn byrjaði með nefndarstörfum, brunch og byrjað var að taka fyrir ályktanirnar. Tekin var pása á þeim, Heimdallarpartý, móttaka hjá bæjarstjórninni, hátíðarkvöldverður, Geir Ólafs mætti og söng, kíkt var í partý og síðan ball með Todmobile. Bara snilld allt saman. 

Aðaldagurinn var svo auðvitað í dag. Haldið var áfram með ályktanirnar kl. 10 í morgun, tekin hádegismats pása og síðan haldið í kosningar. Mjög skilvirkt þing og allt gekk rosalega vel.

Þórlindur á eftir að standa sig frábærlega sem formaður. Góð stjórn kosin og sjálf var ég kosin í varastjórn. Hlakka ég því mikið til að starfa með Þórlindi, Teit og öllu hinu frábæra fólkinu sem kosið var, næstu tvö árin. Er búin að sitja núna í stjórn Heimdallar í tvö tímabil og hafa þau bæði mikið einkennst af kosningum, fyrst borgarstjórnarkosningum og síðan alþingiskosningum. Spennandi tímar eru framundan, án kosninga, gott tækifæri til að styrkja innrastarf félagsins og láta mikið að okkur kveða til að halda sjálfstæðisstefnunni á lofti og koma okkar málefnum að . Segi því bara aftur, til hamingju Þórlindur, Teitur og allir hinir. 

 ps. set inn myndir á hina síðuna mína þegar ég er aðeins búin að ritskoða þær - I'll keep you posted.

Þórlindur Kjartansson nýkjörinn formaður SUS

huge....

usss þetta er svaðalegt.... get ekki sagt að ég væri til í að reikna burðarþol í svona hátt kvikindi

rosalega langar mig að koma til dubai og sjá allar þessar fönkí byggingar sem rísa þarna eins og gorkúlur...  

Burj-turninn í Dubai orðinn hæsta bygging í heimi

súludans......

Væri gaman að fara út í Viðey þann 9.okt. sérstaklega þar sem ég er svo mikill lúði að ég hef aldrei út í Viðey komið og vegna þess að ég hef alltaf borið rosalega mikla virðingu fyrir bæði John Lennon og Yoko Ono.

Nú hlusta ég rosalega mikið á útvarpið, sérstaklega snemma á morgnana og síðdegisútvarpið  á bylgjunni þar sem ég bý í vesturbænum og vinn upp á akranesi.... anywho.... þá hringir fólk inn á bylgjuna og kvartar yfir öllum mögulegum hlutum, ótrúlega hressandi stundum.... td. um daginn hringdi inn kona og kvartaði yfir því að Yoko Ono skyldi nú ætla að reisa þessa friðarsúlu í Viðey á stað okkar íslendinga.... hmmm... Reyndar veit ég það nú að mjög frægur bandarískur listamaður að nafni Richard Serra á verk út í Viðey sem samanstendur úr stuðlabergssúlum og auk þess var íslenski/danski listamaðurinn Ólafur Elíasson með verk í Viðey sem reyndar er nýbúið er að taka niður.

ja ok, rosalega hlýtur heimurinn að vera fullkominn fyrst friðar-minningarsúla getur pirrað fólk eða já, raskað friði þeirra

 

 

Mánuður þar til friðarsúlan verður afhjúpuð