Stjórnarskráin meira aðkallandi en heimilin????

Af hverju þarf að keyra þetta frumvarp í gegn núna - viljum við ekki að mál sem snúa að stjórnarskránni séu vandlega yfirfarin og gert í samráði við sem flesta?

Vil bara í þessu samhengi benda á grein á xd.is þar sem tekin eru saman álit ýmissa sérfræðinga, fræðimanna og hagsmunasamtaka. Eins og stendur í greininni hafa nánast allir þeir sem lagt hafa fram umsagnir gagnrýni á meðferð málsins, færa fram efnislegar athugasemdir og eru með gagnrýni á málsmeðferðina og þann stutta tíma sem á að keyra þetta í gegn á.

Sigurður Kári kemst vel að orði í fréttinni, svo ég leyfi mér að quote-a beint í fréttina: ,,Sigurður Kári Kristjánsson, þingmaður Sjálfstæðisflokksins, sagði eðlilegt að ræða um breytingar. Gallinn er sá, að þetta stjórnarskrármál leysir engan vanda heimila eða fyrirtækja.  Væri ekki vænlegra að ræða atvinnumál ungs fólks í landinu? spurði Sigurður Kári.  Sjálfstæðismenn muni ekki umgangast stjórnarskrána á handahlaupum. "

 GREIN Á XD.IS ÞAR SEM TEKIÐ ER ORÐRÉTT ÚR UMSÖGNUM

Vilja vísa stjórnarskrármáli frá

Athugasemdir

[Svavar (IP-tala skráð) 2.4.2009 kl. 14:27]

Þetta er alveg rétt hjá þér að forgangsröðin og vanvirðingin í garð þjóðarinnar að vera að breyta stjórnarskránni á einhverjum handahlaupum er alveg fyrir neðan allar....

Þessi stjórn sem er núna við völd ætlar svo að slá náðarhöggið á heimilin í landinu með því að skattleggja þau í botn eftir kosningar.

kv. Svavar

[Einhver Ágúst, 2.4.2009 kl. 14:28]

Mér sýnist þú ekki alveg hlutlaus í þessu máli, einsog sést á vinum þínum. Málið er bara það að það þarf að hrifsa þjóðareignina úr fanginu á ykkur gráðugum Garðbæingunum eða hvar það nú er sem ofsatrúar Sjálfstæðismenn sem ekkert sjá athugavert við stjórn flokksins síðan við lýðveldisstofnunina. Þjóðareignin er fiskurinn í sjónum og fallvatnið okkar, sem þarf að nota sjálfbært og af skynsemi og ekki með hagsmuni eiginmanna og eiginkvenna þingmanna sjálfstæðisflokksins að leiðarljósi.

Það er ENGINN að segja að stjórnarskráin sé mikilvægari en heimilin, en í rauninni er hún það þegar til lengri tíma er litið, því að ef gamla stjórnarskráin gat ekki komið í veg fyrir að flokkurinn þinn leyddi ill aupplýsta þjóðina fyrir björg efnahagslegs og lýðræðislegs hruns þá þarf ekki neinn snilling til að sjá að hún er ekki að virka og hún nær alls ekki að tryggja hér jöfnuð í skiptum landsins gæða.

En enginn stjórnarflokkanna sagði að tímabundið atvinnuleysi og vandi heimilanna væri ekki mikilvægur.

Málið er sett þarna inn í þessari röð til að þvinga Sjálfstæðismenn til að ræða það, og þið berjist hatrammlega gegn því, hvers vegna?

Viljið þið halda ykkur við þá víðteknu venju sjálfstæðismanna að binda hendur manna landsisn þegar kemur að lýðræði? Viljið þið endalaust neita þjóðinni um þjóðaratkvæðagreiðslur, því það hafið þið gert alla tíð og stundum með blóðsúthellingum lýðs og lögreglu, þú ættir að skammast þín fyrir að verja þessa vitleysu og væntanlega veistu ekki einu sinni afhverju þú ert að því.

[Erla Margrét Gunnarsdóttir, 2.4.2009 kl. 14:42]

Já þú ert ágætur Ágúst. Í fyrsta lagi er enginn að tala um að þetta mál sé ekki mikilvægt, heldur er það ekki ÞAÐ mikilvægasta akkurat núna, en einmitt það mikilvægt í framtíðarlegu sjónarmiði að það á að gera það vel og ekki á neinu hundavaði! Þú segir þetta sjálfur "Málið er sett þarna inn í þessari röð til að þvinga Sjálfstæðismenn til að ræða það, og þið berjist hatrammlega gegn því, hvers vegna?"

Er það ekki einmitt málið, þetta er sett núna á dagskrá þar sem kosningabaráttan er byrjuð og þar sem það er vitað að Sjálfstæðisflokkurinn er ekki sáttur við málið. Þetta er ekki það sem mér finnst að ríkistjórn "aðgerða" eigi að vera að einbeita sér að! 

Sjálfstæðisflokkurinn var að klára sinn landsfund þar sem yfirskriftin var "Göngum hreint til verks". Í ályktunum er lögð rík áhersla á gegnsæi og einnig tekið á þjóðaratkvæðagreiðslum.Mæli með þú lesir þér aðeins til. Allt efni aðgengilegt á xd.is

[Einhver Ágúst, 2.4.2009 kl. 15:01]

Mér er nokk sama hvað sjáfstæðisflokkurinn setti í stefnuskrá sína það er einsog alltaf alveg ágætis plagg, og ef ég kysi plögg þá hefði ég kannski kosið sjálfstæðisflokkinn einhvern timann, en ég hef nú hingað til vitað betur en svo að stétt með stétt og hreint til verks er bara fyrirsláttur og fals.

Beintengingar við efnamenn og útgerðarmógúla eru svo svakalegar að þú getur ekki einu sinni neitað því , hagsmunagæsluflokkur "par excellance".

Það sem mér er svo hugleikið nú er að við ættum öll að sjá að Hægri og vinstri er dautt sem slíkt og nú er kominn tími á nýja hugsun.

Að lokum bendi ég þér á að það er verið að breyta 3 atriðum í stjórnarskrá, atriðum sem er pólitísk samstaða um jafnvel inna þíns auma flokks, það sem þið standið ss á móti er stjórnlagaþingið og afhverju?

Sjálfstæðisflokkurinn neitar ávallt þjóðinni um atkvæðagreiðslu, jafnvel í fjölmiðlamálinu svakalega neitaði Davíð því að nota þjóðaratkvæðagreiðslu, sem ég reyndar tel að hann hefði unnið. En sem prinsip neitar flokkurinn þinn bara þjóðinni um þennan rétt sem er stjórnarskrárbundinn hér, en breyta þarf því að það þurfi 15% þjóðarinnar til að fá atkvæðagreiðslu, það er vítekin venja í löndunum í kringum okkur.

Lestu þér sjálf til og láttu ekki mata þig lengur af hagsmunabulli, ekki meiri meðvirkni með óheiðarlegu fólki sem hreinlega brenndi þetta land upp til kaldra kola og stendur eftir í engum persónulegum ábyrgðum, finnst þér það eðlilegt að þingmenn sitji sem hafa fleiri hundruð milljóna skuldir á bakinu eftir sukk í fjármálum? Þar eru mér ofarlega í huga tveir þingmenn ykkar, virðulegar Þorgerður Katrín og Dögg Pálsdóttir.