hvaða bílar....

heyrði einmitt eitthvað um þetta í útvarpinu í dag, góð viðbót. var samt ekki alveg að ná hvaða bílar það eru sem geta nýtt sér þetta. eru það ákveðnar tegundir bíla sem geta notað etanól eða er hægt að breyta flestum bílum til þess ?? 

þetta væri ég mikið til í að skoða. væri samt gaman að vita hvert verðið á lítranum yrði. minnir að ég hafi heyrt að etanólið endist um 80% af því sem bensínið dugir. vona bara að þetta verði ekki dýrari kostur, allavega ekki mikið. auðvitað væri sniðugast ef þetta væri ódýrara og þannig hvatning til að menga minna, en þó finnst mér ekkert að því að eyða nokkrum krónum í viðbót til að menga minna í stað þess að láta planta nokkrum trjám til að friða mína samvisku...

 

erla sem mun aldrei kolefenisjafna sig, heldur fmyndi frekar borga til þróunnar á minna mengandi bílum/eldsneyti..... 

Brátt hægt að dæla etanóli á bíla

Athugasemdir

[Bragi Þór Valsson (IP-tala skráð) 8.9.2007 kl. 23:44]

Sæl, Erla.

Brimborg getur eflaust gefið þér heilmiklar upplýsingar um þetta. Annars grunar mig sterklega að þeir setji nokkra Etanólbíla í almenna sölu þennan sama dag og Olís opnar þessa dælu. Daginn áður hefst Samgönguvika í Reykjavík og hinir og þessir eru að gera eitthvað sniðugt.

Fyrst þú minnist á það að þú værir til í að borga til þróunar á minna mengandi bílum má benda á þá staðreynd að  nú þegar hefur annað fólk borgað það fyrir þig og þú getur í dag fengið bíla sem menga ekki neitt og kostar brotabrot að reka miðað við bensínbíl. 

Bílarnir heita Reva og ganga fyrir rafmagni. Við (Perlukafarinn ehf) komum til með að frumsýna þennan bíl á Íslandi um næstu helgi, semsagt laugardaginn 15. september. Á sama tíma frumsýnum við Vectrix rafmagns-mótorhjólið sem er mjög töff mótorhjól sem er samt þeim eiginleikum gætt að menga ekki neitt og gefa frá sér örlítið suð í staðinn hávaða úr hefðbundinni vél. 

Einn af stærstu kostunum við rafmagnsbíla er að við þurfum ekki að láta Olís opna sérstakar dælur fyrir okkur - dreifikerfið er þegar til á hundruðum þúsunda staða um allt land! 

Þú ert að sjálfsögðu velkomin á þessa frumsýningu rafmagnsbílsins. Allar upplýsingar um hann má finna hér: www.perlukafarinn.is/reva. 

[Egill Jóhannsson, 9.9.2007 kl. 10:35]

Sæl Erla

Það er ljóst að margir eldsneytiskostir munu á einn eða annan hátt verða notaðir í framtíðinni. Varðandi etanólið þá gildir reyndar það sama og um rafmagnsbílana að ekki þarf að fjárfesta að ráði í dreifikerfi því tiltölulega auðvelt er að hefja sölu á etanóli úr hefðbundum bensíndælum. Það er það sem Olís gerði fyrir Brimborg.

Þá komum við að öðru vandamáli sem þarf að leysa og það er akstursvegalengd á einni áfyllingu. Þar eru enn vandamál varðandi rafmagns og vetnisbíla en ekki hvað varðar etanól bíla því þeir byggja á tækni sem er vel þekkt.

Og þriðja málið er verðið á bílnum. Ef almenningur á að geta tekið þátt í að draga úr losun koltvísýrings þá verður hann að hafa efni á bílunum. Kosturinn við etanólbíla umfram rafmagns-, vetnis- og metangasbíla er að kostnaður við breytingar er mun minni hjá bílaframleiðendum. Það þýðir samkeppnishæft verð fyrir neytendur.

Og fjórða málið er að neytendur þurfa að geta valið úr úrvali bíla sem uppfylla þarfir neytenda. Það er ljóst að 5 manna fjölskylda ekur ekki um á tveggja manna rafmagsnbíl. En vegna lægri breytingarkostnaðar við etanól bíla þá er líklegt að úrvalið á næstu árum verði mjög mikið og þá verði um að ræða bíla af öllum  stærðum og gerðum. Dæmi um bíla sem þegar eru komir á markað sem etanólbílar í Svíþjóð eru Volvo C30, Volvo S40, Volvo V50, Ford Focus, Ford C-Max, Saab 9-3 og Saab 9-5. Væntanlegir eru síðan á þessu og næsta ári Volvo V70, Volvo S80, Ford S-Max, Ford Galaxy, Citroën C4 og VW Golf. Brimborg er þegar með í sýningarsalnum Volvo C30 og Ford C-Max.

Eldsneytið sem Brimborg hefur pantað heitir E85 Líf etanól og nafnið er tilvísun í að eldsneytið er blanda etanóls 85% og bensíns 15%. Ekki er æskilegt að setja svona sterka blöndu á bíla nema þeir hafi verið framleiddir þannig. Þó er hægt að setja á flesta bensínbíla svokallaða E5 eða E10 sem er 5% eða 10% etanól á móti bensíni. Bílarnir sem ég taldi upp að ofan ganga allir fyrir E85 enda hafa bílaframleiðendurnar hannað þá sérstaklega til þessara nota. Líklegt er að mikil sprenging verði í framboði bíla sem ganga  fyrir E85 á næstu árum. 

Næstu kynslóðir tengil-tvinnbíla þ.e. bíla sem ganga fyrir rafmagni og öðru eldsneyti og hægt er að hlaða munu líklega verða með rafmagnsmótor og etanól mótor.

Þar sem um tilraunaverkefni er að ræða hjá Brimborg þá er ekki vitað á þessu stigi hvað verðið á lítra af etanóli mun kosta en eitt af markmiðum verkefnisins er að finna út úr því. Það er rétt hjá þér að orkuinnihald etanóls er minna en bensíns og þá kemst maður ca. 25-30% styttra á etanóli en bensíni. 

Kveðja

Brimborg

Egill Jóhannsson, framkvæmdastjóri

[Bragi Þór Valsson (IP-tala skráð) 9.9.2007 kl. 12:40]

Það er best að benda snöggvast á að bílarnir sem við erum með (Reva) eru byggðir frá grunni sem rafmagnsbílar og því enginn "kostnaður við breytingar" eins og væri t.d. við að breyta Ford Transit úr dísel- í rafmagnsbíl. Það er ein af ástæðunum fyrir því að Reva bíllinn er ódýrasti sjálfskipti bíllinn á markaðnum.

[Ragnheiður (IP-tala skráð) 14.9.2007 kl. 23:45]

Ég er móðguð!

Á bara að halda framhjá manni?!

Leitaðu nú upp fréttina að RR sport er nú bara skrattinn hafi það umhverfisvænni heldur en Prius.